Nefha-i sırr-ı Hudâya ‘urefâ-dem didiler
O deme mâlik olan kişiye âdem didiler
Yohsa her sûret-i bî-câna dinilmez âdem
Âdem oldur ki dem-i âdeme hem-dem didiler
Varına kaydı olan bulmadı zevk-i mutlak
Terk ü tecrîde iren ‘âşıka bî-gam didiler
Küntü kenzi okuyup remzini idrâk eyle
Min ledün nüktesini duyana mahrem didiler
Pîrlere sordı SEZÂYÎ ne-dürür sırr-ı hayât
Remz ile bir nefes idüp aña dem dem didiler
Hiç yorum yok:
Yorum Gönder
Not: Yalnızca bu blogun üyesi yorum gönderebilir.